2011, ജൂൺ 3, വെള്ളിയാഴ്‌ച

വീണ്ടുവിചാരം

നിന്നോടു ഞാനന്നു
പറഞ്ഞിരുന്നു
ഞാനതു ചെയ്തില്ലെന്ന്
എങ്കിലും നീയെന്നെ
വിശ്വസിച്ചില്ല്ല

കാലത്തിന്റെ വിരുതില്‍പ്പെട്ടു
നാമിന്നു കാണാമറയത്ത്
വേര്‍പാടിന്റെ വേദനകള്‍
അനുഭവിച്ചറിയുമ്പോള്‍ ,
ഉള്ളിന്റെയുള്ളില്‍ ...
നീയെന്നെ വിശ്വസിച്ചിരുന്നെങ്കി-
ലെന്നോര്‍ത്തു പോവുന്നു.

പലപ്പോഴും... നാമിങ്ങനെ-

ചെറിയ കാര്യങ്ങള്‍ക്കാണ്
പിണങ്ങി പിരിയാരുള്ളത്.
പരസ്പ്പരം പഴിചാരാനല്ലാതെ
ഒന്നു മനസ്സ് തുറക്കാന്‍
നമുക്കിതുവരെ സാധിച്ചുവോ...?
എല്ലാം മറന്നു...
ഒന്നിച്ചു ജീവിക്കുവാന്‍ ...
നിന്‍ മടിതട്ടിലൊന്നു
തലചായ്ക്കുവാന്‍ ...
ഒരു വിരല്‍ സ്പര്‍ശനതിനായ്‌,
സ്നേഹചുംബനത്തിനായ്
അറിയാതെന്മനം കൊതിക്കുന്നു.

നിന്‍ വരവിനായി
കാത്തിരിക്കുന്നു.....
ഒന്നു മാത്രം
ഇനിയൊരിക്കലും
പിരിയില്ലെന്നൊ-
രുറപ്പുണ്ടെങ്കില്‍
പോരുക നീ.....
വീണ്ടുമൊരു
കാത്തിരിപ്പിനെന്‍
ആയുസ്സു തികഞ്ഞില്ലെങ്കിലോ..!

*************************

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ