2011, ജൂൺ 3, വെള്ളിയാഴ്ച
ഒരു സൈക്കിളിന് ആത്മഗതം
അന്നു ഞാന് നിനക്കെല്ലാമായിരുന്നു
എന്നും കുളിപ്പിച്ചു.. പൊട്ടു തൊടീച്ചു-
നീയെന്നെ കൂടുതല് സുന്ദരിയാക്കി
കൂടെ കൊണ്ടു നടന്നു-
ഒരു കൂടാപ്പിറപ്പായ്... കളിതോഴിയായ്....
എന് പുറത്തേറിയാനന്ദിച്ച നിന്
നാനന്ദത്തില് ഞാനും മെയ്മറന്നു
എനിക്കാടയാഭരണമായ് ലൈറ്റും
ഡയനോമയും നീ സമ്മാനിച്ചു
എന് അസാന്നിധ്യത്തില്
നിനക്കന്നൊരു പ്രണയമില്ലായിരുന്നു!
ഇന്നു ഞാന് നിനക്ക് അന്യയായിരിക്കുന്നു...
എനിയ്ക്കു പകരം ഹോണ്ടയും പാഷനും
നിനക്കിന്നു പ്രിയമേറിയവളായ്...
സീ സീ കളുടെ പിന്നാലെ പോയ നീ
നിന് ഉച്വാസ വായുവേ, പ്രാണവായുവാക്കിയ -
പഴയ കളിതോഴിയെ പാടെ മറന്നുപോയ്
എന് പാഴ് മനസ്സിലൊരു തോറ്റം..
ഒരു നാള് നീയെന്നെ തേടി വരുമെന്ന്
പുത്തന് കൂട്ടുകാരികളെ -
ബ്യൂടി പാര്ലര്കളില് കേറ്റി
നിന് മടിശീലയിന് കനം കുറയുമ്പോള്
എന്നെത്തേടി നീ വരുമെന്നൊരു പാഴ് മോഹം...
ആ നാള് അധിവിദൂരമല്ലെന്നതെ സത്യം!
***************************************
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ